Rodrygo do të luajë rol kyç në përpjekjet e Barcelonës për transferimin e Luis Diazit

Barcelona vijon përpjekjet për të transferuar Luis Diaz nga Liverpool, ndërsa marrëveshja varet nga Rodrygo. 

Barcelona nuk e ka hequr dorë nga ideja për të forcuar sulmin e tyre dhe ka shprehur interes të vazhdueshëm për anësorin e Liverpoolit, Luis Diaz.  

Sipas raportimeve të Mundo Deportivo, një element kyç për realizimin e këtij transferimi gjatë merkatos së verës do të jetë një lëvizje e mundshme nga ana e Liverpool për të transferuar Rodrygon e Real Madrid. 

Liverpool prej kohësh kanë shfaqur interes për sulmuesin brazilian të ‘Los Blancos’ dhe planifikojnë që ta nisin këtë lëvizje në verën e ardhshme.  

Në rast se klubi anglez arrin të transferojë Rodrygon, ata do të jenë të gatshëm të shesin Luis Diazin, çka do t’i hapte rrugë Barcelonës për të marrë lojtarin kolumbian. 

Luis Diaz është shprehur publikisht se dëshiron të bashkohet me Barcelonën, duke e parë klubin katalanas si vendin ideal për të zhvilluar më tej karrierën dhe për të pasuruar sulmin e tyre. 

 Gjatë sezonit 2024/2025, Diaz luajti në 50 ndeshje në të gjitha kompeticionet për Liverpoolin dhe shënoi 17 gola, duke treguar edhe një herë vlerën e tij si lojtar i rëndësishëm në skuadër. 

Ndërkohë që ky skenar duket i leverdisshëm për të gjitha palët, nuk mungojnë sfidat. 

 Barcelona duhet të përballojë një situatë të ndërlikuar financiarisht, pasi klubi vazhdon të jetë i kufizuar nga rregullat e "Fair Play Financiar". 

 Në të njëjtën kohë, Liverpool kërkon një çmim të denjë për Luis Diazin, duke marrë parasysh kontributin e tij të rëndësishëm në skuadër.