Napoli favorit

Napoli është favorit absolut për të fituar sërish Scudetton edhe në edicionin e ri në Serie A.

Kështu mendon legjenda e futbollit italian, Arrigo Sacchi. Ai në një intervistë për “La Gazzetta dello Sport”, e ka vlerësuar lart punën e trajnerit Antonio Conte dhe përforcimet që ai ka bërë deri më tani.

Sacchi flet veçanërisht për transferimin e madh të kësaj verë, Kevin De Bruyne.

“Conte ka zgjedhur një lojtar të vërtetë. De Bruyne ishte i frikshëm te Manchester City i Guardiolës dhe do të jetë po aq i rëndësishëm edhe te Napoli. Ai është një lojtar serioz, që nuk vjen në Itali për të kaluar kohën, por për të kontribuar.

Ai dëshiron të përfshihet plotësisht dhe mjedisi i Napolit e ka magjepsur”, ka thënë Sacchi.

Për ish-trajnerin e famshëm të Milanit dhe përfaqësueses italiane, kombinimi mes disiplinës taktike të Contes dhe cilësisë së De Bruyne është sinjali më i qartë që Napoli do të jetë sërish një forcë dominuese në Serie A.