Lamine Yamal: Nuk ndjej asnjë presion

Lamine Yamal nënshkroi një kontratë të re me Barcelonën, me të cilën do të luajë të paktën deri në vitin 2031. Jo vetëm kaq, por talenti 18-vjeçar spanjoll do të mbajë të veshur fanellën ikonë me nr.10.

“Është një ëndërr e bërë realitet. Jam shumë i lumtur që e përjetoj këtë me familjen time. Barça është jeta ime. Kam qenë këtu që kur isha shtatë vjeç dhe, si të gjithë djemtë në La Masia, ëndërroja të luaja këtu”, tha Yamal.

Kjo është ajo që tha sulmuesi, i mbushur me emocione pas rinovimit zyrtar të kontratës me Barcelonën.

Por ky nuk është një moment historik, vetëm një hap tjetër në udhëtimin e tij të shkëlqyer.

“Dua të fitoj, dua të vazhdoj të fitoj dhe të rritem sepse jam shumë i ri. Dua vërtet të luaj në Camp Nou. Jam mirënjohës klubit që ma dha fanellën me nr.10. Si fëmijë, ëndërroja të luaja për Barçën dhe ta bëja këtë me këtë numër“, shtoi sulmuesi.

Për sa i përket të ardhmes, lojtari 18-vjeçar i Barcelonës nuk vendos asnjë kufi: “Nuk jam nën presion dhe jam i përqendruar në futboll. Dua të fitoj Champions League dhe Kupën e Botës“.

I pyetur se çfarë duhet të përmirësojë skuadra këtë sezon, ai përsëriti qëllimin e tij kryesor: “Fitimi i Ligës së Kampionëve. Duhet të rritemi sepse jemi një skuadër shumë e re dhe duhet të vazhdojmë të luajmë në të njëjtën mënyrë“.