Rrëfimi i De Geas

Faksi më i famshëm i dështuar i të gjitha kohërave që pengoi nënshkrimin e David De Geas për Realin në ditën e fundit të afatit kalimtar të verës 2015 është ende në fuqi 10 vjet pas një episodi që bëri xhiron e botës dhe i la Realin dhe Mançester Junajtidin të dukeshin qesharakë.

Atë ditë, më 31 gusht 2015, Madridi dhe Junajtid duhej të finalizonin shkëmbimin e David de Geas dhe Kejlor Navas. Kostarikanit nuk i ishte garantuar një vend titullar dhe Madridi zgjodhi lojtarin De Gean, i cili në atë kohë ishte në kulmin e karrierës së tij.

Operacioni ishte aq i avancuar, sa spanjolli dhe Navas po prisnin të hipnin në aeroplan për në destinacionin e tyre të ri, por një gabim në faks (nuk dihet saktësisht se çfarë ishte) e prishi operacionin e dyfishtë. David De Gea, në një intervistë, foli për atë që ndodhi atëherë pa hyrë në detaje.

“Të gjithë e panë çfarë ndodhi… Nuk e di vërtet çfarë ndodhi…

Do të flas për të gjitha këto në një moment kur karriera ime të mbarojë. Në fund, nuk funksionoi dhe kur ndodhin gjëra, ndodhin për një arsye. Qëndrova në Mançester dhe e adhurova”, shpjegoi portieri 35-vjeçar.