Skandal financiar në Kamerun: FBI nis hetime ndaj Samuel Eto’o-s

Anëtarë të Federatës së Futbollit të Kamerunit (FECAFOOT) kanë paraqitur një padi penale në SHBA, duke kërkuar hetim nga Departamenti i Drejtësisë dhe FBI-ja për zhdukjen e 600,000 dollarëve, që ishin të destinuara për federatën pas një miqësoreje me Meksikën në San Diego në qershor 2023.

Shuma ishte pagesë nga kompania amerikane Soccer United Marketing, por nuk figuron në llogaritë zyrtare të federatës.

Padia ngre akuza për mashtrim elektronik, pastrim parash dhe evazion fiskal.

Edhe pse Samuel Eto’o nuk përmendet drejtpërdrejt, si president i federatës, roli i tij mbetet në qendër të përgjegjësisë dhe mund të përfshihet në hetime të mëvonshme nga autoritetet amerikane.