Angli - Spanjë, kush do të shpallet kampione e Europës sipas superkompjuterit të Opta-s?

Nesër është dita e së vërtetës. Në orën 18:00 në Bazel do të luhet finalja e madhe e kampionat Europian të vajzave, Zvicër 2025. Anglia përballet me Spanjën në një sfidë që premton spektakël dhe që do të transmetohet drejtpërdrejt dhe ekskluzivisht në RTSH 1 dhe RTSH Sport.

Përballen kampionët e Evropës në fuqi me kampionët të botës në fuqi. A do ta ruajë Anglia kurorën e saj, apo më në fund është radha e Spanjës për të ngritur trofeun?

 Finalja e së dielës e Kampionatit Evropian të Futbollit 2025 për femra sheh Anglinë dhe Spanjën të përballen përsëri, në një përsëritje të finales së Kupës së Botës FIFA 2023.

Të dyja skuadrat kanë dhuruar spektakël dhe emocione në ndeshjet që kanë luajtur deri më tani në këtë europian, duke konfirmuar se janë dy skuadrat më të mira të kontinentit.

Po kush do të fitojë trofeun sipas superkompjuterit të OPTA-s? Sipas superkompjuterit Opta, Spanja e ngre trofeun në 51.5% të 10,000 simulimeve të saj aktuale, ndërsa Anglia triumfon në 48.5%.