Legjendës rumune i dhemb shumë humbja nga shqiptarët, kështu deklaron

Steaua nga Bukureshti ka pësuar humbje në Shkup, me rezultat 1:0 nga Shkendija e Tetovës, në ndeshjen e parë të rrethit të dytë të kualifikueseve bë Champions League.

Adrian Mutu, legjendës së futbollir rumun, i dhemb shumë humbja nga skuadra shqiptare. 

Adrian Mutu, ish-lojtar i kombëtares rumune, foli për evolucionin e ekipit kuqekaltër në Shkup dhe sugjeroi që rezultati i regjistruar nga FCSB është zhgënjyes.

"Rezultati është zhgënjyes për të gjithë. 

Prisnim më shumë nga FCSB. Loja nuk tregoi vlerën e FCSB në këtë pikë, mendoj se mund të ishte shumë më tepër.

Fakti që ata humbën atje nuk e rrezikon plotësisht kualifikimin, i cili besoj se do të arrihet në Bukuresht, sepse FCSB në fushën e tyre me spektatorë në tribuna do të jetë një forcë.

Fakti që ata hynë në Maqedoni paksa të nxituar u kushtoi, ishte gjithashtu ajo lloj ndeshjeje në të cilën nuk merr asgjë edhe nëse luan kundër një skuadre më të dobët, përsëri ndodh të humbasësh.

Ka ndeshje të tilla në të cilat, edhe nëse nuk shënon, ndodh të pësosh një gol në një moment dhe pastaj vazhdon të sulmosh pa arritur asgjë.

Por unë ende mendoj se FCSB është një skuadër shumë më e fortë dhe do të fitojë në Bukuresht”, tha Mutu për  mediumin rumun “Fanatic”.

Ndeshja e kthimit midis FCSB dhe Shkendijës luhet të mërkurën, në orën 20:30.