Chukwueze kërkohet nga Besiktasi, Fenerbahçe e Fulhami
- Bota Sot
Chukwueze kërkohet nga Besiktasi, Fenerbahçe e Fulhami
Agjentët që përfaqësojnë sulmuesin e Milanit, Samuel Chukwueze, raportohet se ndodhen në Stamboll për takime me Besiktas dhe Fenerbahçe, ndërsa edhe Fulham po e ndjek nga afër situatën e tij.
Sulmuesi nigerian ishte një investim i madh nga Villarreal në verën e vitit 2023, duke kushtuar 21.1 milionë euro plus deri në 7 milionë euro bonuse. Megjithatë, ai nuk arriti të linte gjurmë te kuqezinjtë, duke kontribuar me tetë gola dhe gjashtë asistime në 69 ndeshje zyrtare gjatë dy sezoneve.
Trajneri i ri Max Allegri nuk duket shumë i interesuar ta mbajë lojtarin, por pengesa kryesore është se Milani kërkon shitje të përhershme, ndërsa oferta e Besiktas ishte vetëm huazim me të drejtë blerjeje.
Sipas Calciomercato.com, agjenti i tij ndodhet aktualisht në Stamboll për të zhvilluar bisedime me të dy klubet turke. Ndërkohë, Fulham po ngjitet gjithnjë e më shumë në garë dhe po përgatit një ofertë të vetën.
Më herët ishte raportuar se Fulham e sheh Chukwueze si zëvendësuesin e mundshëm të Adama Traoré, i cili kërkohet nga Nottingham Forest, dhe tani anglezët po intensifikojnë përpjekjet për të siguruar shërbimet e anësorit ofensiv.
