Messi me një kontratë unike te Inter Miami

Lionel Messi do të vazhdojë karrierën e tij te Inter Miami me një kontratë si asnjë futbollist tjetër në botë.

Sipas mediave amerikane, superylli argjentinas do të nënshkruajë një marrëveshje pa afat të caktuar, e cila i lejon atij të luajë për sa kohë të dëshirojë dhe ta ndërpresë bashkëpunimin në çdo kohë.

Thashethemet se Messi mund të largohej nga Miami për të luajtur në një ligë më të fortë para Kupës së Botës 2026 rezultuan të pabaza.

Përkundrazi, klubi madje solli mikun e tij të ngushtë dhe shokun e tij të ekipit kombëtar, Rodrigo De Paul, për të forcuar skuadrën.

Edhe më interesante është klauzola sipas së cilës, pas përfundimit të karrierës së tij aktive, Messi automatikisht do të ketë një vend drejtuesi tek Inter Miami.

Kështu, kampioni i botës i vitit 2022 vazhdon të ndërtojë historinë e tij në Shtetet e Bashkuara, dhe kontrata e tij bëhet një precedent për futbollin.