FFM ka nisur procedurë kundër FC Shkupi për aktivitete të dyshimta në ndeshjet testuese!

Sezoni i ri i futbollit nuk ka filluar ende, ndërsa opinion në Maqedoni po përballet me “rastin Shkupi”.

Konkretisht, klubi i Çairit është subjekt i dyshimeve, procedurave dhe ndoshta hetimeve për ndeshjet e fundit miqësore të dyshimta në parasezon. Federata e Futbollit të Maqedonisë (FFM) ka nisur procedurat për ndeshjen miqësore ndërkombëtare të Shkupit kundër klubit turk Antalyaspor. Federata po mbledh informacione të rëndësishme në lidhje me ndeshjen kontrolluese, e cila ishte plotësisht e pabarabartë dhe ekipi i Superligës Turke fitoi 6-1, shkruan portali maqedonas “gol.mk”

Disa ditë më parë, grupi i tifozëve “Shvercerat” bëri thirrje për aktivitete të dyshimta në këtë ndeshje me një deklaratë.

“Shkupi do të udhëtojë për në Turqi vetëm për të rregulluar një ndeshje tjetër. U bëjmë thirrje të gjitha autoriteteve kompetente të ndërhyjnë urgjentisht dhe të parandalojnë që ky turp të ndodhë përsëri dhe ne do të bëjmë gjithçka që është në fuqinë tonë për të siguruar që ekipi të mos luajë asnjë ndeshje të vetme nëse situata nuk ndryshon”, thuhej në njoftimin e “Shvercerave” dy ditë më parë.

Ky reagim vjen disa orë pas refuzimit të klubit të ri të divizionit të parë Arsimi për të luajtur një ndeshje testuese kundër Shkupit, duke dyshuar për aktivitete të paligjshme.

Komiteti i Integritetit i Federatës së Futbollit të Maqedonisë ka reaguar ndaj raportimeve dhe dyshimeve në të kaluarën, por duke qenë se kjo është një ndeshje ndërkombëtare, ndoshta mund të përfshihen edhe shërbime të tjera shtetërore. Disa njerëz po luajnë me integritetin e ish-kampionit dhe një klubi që ka një bazë të madhe tifozësh.

Me stafin e lojtarëve në dispozicion, Shkupi nuk ka shpresa të mëdha për sezonin e ri, dhe organizativisht është një hije e zbehtë e klubit që pak ditë më parë u bë kampion i Maqedonisë dhe luajti në garat evropiane të klubeve.