A mund të transferohet Neymar te Juventusi?

Një shaka e Gleison Bremer gjatë një interviste për “Gazzetta dello Sport” ka ndezur ëndrrat e tifozëve të Juventusit. Mbrojtësi brazilian, i pyetur nëse do t’i rekomandonte Neymarit një "vallëzim të fundit" te Juventusi, tha: “Sigurisht, do të ishte mirë ta kishim këtu.”

Kjo deklaratë ka nisur spekulime të shumta, ndonëse për momentin nuk ka asgjë konkrete. Neymar, i cili u rikthye te Santos vetëm pak javë më parë dhe rinovoi kontratën deri në fund të vitit 2025, po përjeton një periudhë të vështirë: vetëm 541 minuta të luajtura dhe një gol në tetë ndeshje, ndërsa Santos ndodhet në zonën e rënies nga kategoria.

Pavarësisht fjalëve të mëdha gjatë prezantimit, kthimi në vendlindje nuk ka rezultuar siç pritej. Mediat braziliane spekulojnë për një largim të mundshëm në këtë afat kalimtar, që do t’i lehtësonte barrën financiare klubit.

Ende nuk ka sinjale nga Neymar, por ideja e një transferimi te Juventus, në stilin e Cristiano Ronaldos, mbetet një ëndërr.