Sot vizitat mjekësore, mesfushori shqiptar Ardon Jashari zbarkon në Milano

Mesfushori shqiptar Ardon Jashari ka mbërritur në Itali për të finalizuar transferimin e tij te Milani, teksa sot do të kryen vizitat mjekësore.

Sipas raportimeve të fundit, 23-vjeçari, aktualisht nën kontratë me Klub Bryzh, pritet të nënshkruajë një kontratë pesëvjeçare me klubin kuqezi për një shumë prej 39 milionë eurosh.

Transferimi vjen pas një sezoni mbresëlënës me Klub Bryzh, ku ai regjistroi katër gola dhe gjashtë asistime në 52 ndeshje, duke ndihmuar ekipin të fitojë titullin e Jupiler Pro League dhe të arrijë në fazën e eliminimit të Ligës së Kampionëve.

Për performancat e tij, Jashari u shpërblye me çmimin “Lojtari i Vitit” dhe “Lojtari i Ri i Vitit” në Belgjikë për sezonin 2024-25. Raportimet nga Fabrizio Romano në korrik 2025 konfirmuan se Jashari kishte zgjedhur Milanin si destinacionin e tij të preferuar, duke refuzuar oferta nga klube të tjera, përfshirë Mançester Junajtid, dhe duke rënë dakord për kushtet personale me kuqezinjtë.

Ky transferim shënon një investim afatgjatë për Milanin, i cili synon të forcojë mesfushën e tij për sezonin 2025-26.

Me arritjen e tij të pritshme në San Siro, Jashari pritet të prezantohet zyrtarisht nga klubi gjatë ditëve në vijim, duke hapur një kapitull të ri për të dhe për tifozët e Milanit, të cilët e shohin atë si një shtesë premtuese në projektin ambicioz të ekipit.