Skauti i Juves për Jildizin: E zbulova në një rrugicë

“E vura re në një rrugicë shumë të ngushtë në qendër të Regensburgut.” Detlef Staude, atëherë drejtor i ekipit të të rinjve të SV Sallern dhe personi që zbuloi Kenan Jildiz, foli për “Tuttosport”: “Ai merrej me kikboks dhe nuk donte të luante futboll.

E pashë përsëri disa javë më vonë dhe në fund ai u bind e ndryshoi mendje.”Cilësitë e numrit 10 aktual të Juventusit ishin të qarta pothuajse që nga fillimi:

“Ai u bë menjëherë një nga më të mirët në ekipin e të rinjve. Shpejtësia e tij ishte e dukshme, madje edhe në aftësinë e tij për të vëzhguar situatat e lojës. Dhe ai gjithmonë donte të përmirësohej: për shembull, pas stërvitjes ai gjithmonë vraponte dy ose tre xhiro rreth fushës, me dëshirën e tij”, vazhdon Staude.

“Nuk mund ta parashikoj të ardhmen. Juventusi është një klub i madh, ai nuk është domosdoshmërisht i detyruar të largohet, të paktën jo për një pagë më të mirë. Ai duhet ta pyesë veten se çfarë është më e mira për të dhe për të ardhmen e tij. Topi i Artë? Gjëja e mrekullueshme në lidhje me futbollin është se është një sport ekipor, por po, ai i ka cilësitë për ta fituar një ditë”, përfundoi ai