Tare ka gati ofertën për dështimin e Premier Leagues

Ndërsa pret të kompletojë krahun e djathtë të mbrojtjes me zviceranin Zachary Athekame (po kërkohet një marrëveshje me Young Boys), Milan-i po përgatit strategji për t’i dhënë Allegrit një sulmues tjetër.

Lëvizja do të vijë vetëm pas mesit të gushtit, dhe kandidatura e Dushan Vlahoviq, e cila është shumë e përfolur, po zbehet.

Është shumë e vështirë të sigurohet serbi, paga e të cilit është e lartë, dhe vlerësimi i Juventus-it për të, jo më pak se 20 milionë euro, po ndikon gjithashtu në marrëveshje.

Rasmus Hojlund është aktualisht emri kryesor, zyrtarisht në merkato pas mbërritjes së Sesko-s tek United (Leipzig do të marrë mbi 80 milionë euro).

Tare po punon për këtë, dhe drejtori sportiv ka identifikuar gjithashtu formulën perfekte për danezin: një huazim me mundësi blerjeje për rreth 30-35 milionë euro.

Një formulë që nuk pëlqehet nga Djajtë e Kuq, të cilët duan të fitojnë menjëherë nga shitja e lojtarit. Megjithatë, mundësia është e fortë, veçanërisht duke pasur parasysh agjencinë, CAA BASE, e cila po merret me daljet e klubit anglez.

Në radhët e agjencisë, spikat ndërmjetësi i njohur Paolo Busardò, i cili ka menaxhuar disa marrëveshje që përfshijnë Milan-in. E fundit, në rend kronologjik, ishte ajo që dërgoi Samuele Ricci-n nga Torino te Milan-i.

Në sfond është Roma e Gasperini-t, i cili ka punuar me Hojlund gjatë kohës së tij tek Atalanta me rezultate të shkëlqyera.

Sigurisht, shitja e Artem Dovbyk, e vlerësuar jo më pak se 40 milionë euro nga verdhekuqtë, është e nevojshme.