Prag ndeshja me Makedonija GJ.P, Bunjamin Shabani beson në fitore

Struga Trim Lum e nisin sot sezonin e ri futbollistik në Ligën e Parë me ndeshjen kundër Makedonija GJ.P….

“Makedonija GJ.P do të jetë kundërshtari i parë në sezonin e ri futbollistik 2025/26.

Skuadra shkupjane këtë vit sërish u rikthye në mesin e më të mirëve në futbollin maqedonas, mirëpo për ne nuk është një kundërshtarë i panjohur, pasi ndaj tyre do të zhvillojmë ndeshjen e 15-të në kuadër të Ligës së Parë”, shkruan në faqen e FC Struga Trim Lum.

“Sot na pret ndeshja e parë e kampionatit. Gjithnjë ndeshjet e para janë shumë të rëndësishme, pasi një fillim i mbarë bënë që skuadra të qaset ndryshe. Shpresojë ta fillojmë me këmbë të mbarë. Si ekip jemi përgatitur maksimalisht, ashtu që të gatshëm presim takimin e sotëm.” – thotë kapiteni Bunjamin Shabani, i cili ndaj Makedonija GJ.P, sot pritet të zhvillojë ndeshjen e tij të 17-të personale.

Sipas Shabanit, ndeshjet e para çdoherë janë të vështira, megjithatë skuadra duhet të luftojë për një fillim të mbarë, pasi kjo ndikon shumë për vijimin pozitiv të kampionatit.

“Ndeshjet e para çdoherë janë të vështira. E respektojmë Makedonija GJ.P, por neve duhet të bëjmë më të mirën për të filluar sezonin e ri me fitore.

Ata u rikthyen sërish në Ligën e Parë, në rradhët e tyre kanë lojtar shumë cilësorë, por edhe neve jemi përforcuar dukshëm gjatë merkatos së verës.

Transferimet e reja gradualisht janë adaptuar, edhe pse disave prej tyre ende ju duhet kohë, megjithatë në përgjithësi jemi gati si skuadër.

Shpresoj të bëjmë një paraqitje të mirë si skuadër, të japim maksimumin dhe të fillojmë kampionatin me fitore.” – thotë Bunjamin Shabani, i cili në ndeshjet ndaj Makedonija GJ.P, deri më tani ka realizuar 4 gola.