Barça dhe Atletiko me fanellat më të shtrenjta në Europë

Fanellat e futbollit janë kudo. Ato kanë kohë që nuk kufizohen më vetëm në ditët e ndeshjeve ose në veshjet e fëmijëve.

Nuk ka festival muzikor në botë ku nuk mund të shihni një fanellë të Ronaldos për Brazilin ose një fanellë të Kakasë për Milanin.Disa vjet më parë, ekspertët e modës vendosën ta quajnë trendin e kombinimit të një fanelle futbolli, zakonisht një të vjetër (retro), me xhinse ose një fund, “blokecore”.

Ky universalizim i mallrave që dukej se ishte i përqendruar në tribuna ka rritur ndjeshëm çmimet: një fanellë e Barcelonës mund të kushtojë deri në 184.99 euro. Fanella blaugrana është më e shtrenjta në La Liga. Versioni i tifozëve kushton 114.99 € dhe versioni i lojtarëve 164.99 €. Këto çmime janë pa shtypje serigrafike, sepse shtimi i emrit të Lamin Jamal për shembull dhe numrit 10 në pjesën e pasme kushton 20 € më shumë.

Te Reali i Madridi, është edhe më keq! Pasi një copë (simboli i ligës në krah) kushton 20 € (La Liga) ose 25 € (Liga e Kampionëve) dhe stampimi serigrafik kushton 25 €. Kjo është një kosto shtesë përveç kostos prej 100 € të versionit bazë të tifozëve të Realit të Madridit dhe 150 € për versionin e lojtarëve.

DIFERENCA – Por çfarë nënkuptohet me “version lojtari” dhe “version tifozësh”? Po, ekzistojnë dy lloje fanellash futbolli. Prej disa vitesh tani, pothuajse një dekadë, markat kanë tregtuar një version të fanellës për tifozët që është i ndryshëm nga ai që veshin futbollistët. Kjo e fundit është më e lehtë, me teknologji më të mirë për thithjen e djersës dhe pa shumë ndryshime të pëlhurës që mund të irritojnë lëkurën.

Kur u pyet nga “AS”, kompania “Puma”, furnizuesja e Valencias, shpjegon ndryshimin: “Authentic është bërë nga pëlhura Ultraëeave, e cila zvogëlon peshën dhe fërkimin për një performancë elitare.

‘Replica’ ka një prerje më të lirshme, ideale si për ditët e ndeshjeve ashtu edhe për përdorim të përditshëm.”

Në fakt, ekziston edhe një version i tretë. Në faqen e internetit të Atletikos së Madridit mund ta gjeni fanellën që skaudra përdor për ndeshjet jashtë fushe në një version bazë (99.95 €), ndeshjeje (149.95 €) dhe lojtari (174.95 €). Lidhur me këtë të fundit, klubi tregon në përshkrim se është “i njëjti model i përdorur nga profesionistët” dhe se është një “dizajn ekskluziv i edicionit të lojtarit me përfundime teknike profesionale”. Shtimi i një numri dhe i stemës së Ligës së Kampionëve shton edhe 29.95 € të tjera, duke e çuar çmimin e kësaj fanelle në 204.90 €. Ky është një opsion ekskluziv i Atletikos së Madridit. Vetëm disa ekipe e mbajnë këtë dallim.

Në La Liga: Barcelona, Reali i Madridit, Atletiko e Madridit, Valencia dhe Atletik Bilbao. Këto janë pesë nga gjashtë klubet me fanellat më të shtrenjta në Spanjë. Ekipi që mungon, në vendin e pestë, është Sevilja. Nga ana tjetër, fanellat e Vijarrealit janë më të lira, me 68.90 €. Kjo e çon çmimin mesatar të një fanelle në Primera Division në 86.73 € në dyqanet zyrtare të klubeve. Vlen të kujtohet se të gjitha këto çmime nuk përfshijnë shtypjen me serigrafi dhe stema të tjera, të cilat mund ta rrisin çmimin.

Krahasuar me klubet e mëdha evropiane, mund të thuhet me siguri se fanellat e Realit të Madridit dhe Atletikos së Madridit kanë çmime të arsyeshme. Liverpuli, Siti, Arsenal, Bajerni i Mynohut, Dortmund, PSG, Milan, Juventus dhe Inter i kanë ato me çmim 100 euro (versioni bazë pa asnjë font apo copë). Mançester Junajtid e rrit çmimin në 105 euro. Napoli është më i arsyeshmi, edhe pse 55 euro për një fanellë futbolli duket shumë pak. Fanella e Barcelonës, me 114.99 euro, është më e shtrenjta në Evropë! Sa i përket fëmijëve, të gjitha klubet, pa përjashtim, ulin çmimet nga pesë deri në njëzet euro. E vetmja që nuk e bën këtë është Getafe, por kjo për shkak se përfshin pantallona të shkurtra dhe çorape.

Sidoqoftë, edhe për fëmijët, fanella e Barcelonës mbetet më e shtrenjta në La Liga, me 94.99 euro. Barcelona është një nga klubet që shfrytëzon më së miri tregun e fryrë për fanellat e futbollit. Sponsorizimi i saj me “Spotify” ka qenë çelësi, duke përdorur versione speciale të sponsorit për “Clásico”-t. Logot e “Rosalía”, “Rolling Stone”, “Karol G”, “Travis Scott”, “Coldplay” dhe “Drake” janë shfaqur tashmë në gjoksin e lojtarëve të Barcelonës.