Liverpooli befason Interin dhe Milanin

Pas një vere ku Interi dhe klube të tjera italiane e kanë ndjekur me vëmendje, Serie A rrezikon të humbasë talentin 18-vjeçar Giovanni Leoni.

Sipas “Sky Sport”, Parma e vlerëson mbrojtësin qendror me 30 milionë euro plus bonuse dhe nuk ka ndërmend të bëjë zbritje. Nëse nuk mbërrin një ofertë që i afrohet kësaj shume, lojtari i lindur në vitin 2006 do të qëndrojë edhe një sezon tjetër në Collecchio.

Klubi që është pozicionuar me më shumë vendosmëri është Liverpooli, i cili ka nisur kontaktet me drejtuesit e Parmës për ta transferuar Leonin në Premier League.

Anglezet synojnë të parakalojnë Interin, Milanin dhe Juventusin dhe nuk kanë probleme financiare për të përmbushur kërkesat e klubit.

Leoni, i lindur në Romë, ka regjistruar 17 paraqitje dhe një gol me Parmën, 12 paraqitje dhe një gol me Sampdorian, si dhe 4 ndeshje me Padovën. Në arenën ndërkombëtare, ka luajtur një ndeshje me Italinë U18 dhe 7 ndeshje me Italinë U19.