Moska: Kërkesat tona për paqe në Ukrainë mbeten të pandryshuara

“Qëndrimi parimor” i Rusisë për paqen në Ukrainë mbetet i pandryshuar nga ajo që presidenti Vladimir Putin njoftoi vitin e kaluar.

Kjo përfshin tërheqjen e trupave ukrainase nga katër rajonet e pretenduara nga Moska (Donetsk, Lugansk, Zaporizhzhia dhe Kherson) dhe refuzimin e Kievit për t’u bashkuar me NATO-n.

Kjo është deklarata që ka bërë këtë të mërkurë më 13 gusht, Alexei Fadeyev, Zëvendës Drejtor i Departamentit të Informacionit dhe Shtypit të Ministrisë së Punëve të Jashtme, siç citohet nga agjencia e lajmeve Tass.

“Qëndrimi i Rusisë mbetet i pandryshuar dhe u shpreh më 14 qershor 2024”, tha diplomati, duke kujtuar një fjalim që Putin mbajti në Ministrinë e Jashtme.

Kushtet e Rusisë për paqen në Ukrainë

Sipas Fadeyev-it, pozicioni i Rusisë mbetet i pandryshuar dhe bazohet në dy pika kryesore:

-Tërheqja e trupave ukrainase nga katër rajonet që Moska pretendon: Donetsk, Lugansk, Zaporizhia dhe Kherson.

-Heqja dorë nga ana e Kievit nga anëtarësimi në NATO.

Këto kërkesa, të shpallura që vitin e kaluar, përbëjnë sipas Moskës kushte të panegociueshme për një marrëveshje paqeje.

Sulme me dronë dhe mbrojtja ajrore

Në të njëjtën kohë, situata në terren mbetet e tensionuar. Gjatë natës mes 12 dhe 13 gushtit, mbrojtja ajrore ruse rrëzoi 46 dronë ukrainas të shpërndarë në gjashtë rajone të Federatës Ruse, përfshirë Krimenë e pushtuar dhe Detin e Azovit.

Sipas njoftimit të Ministrisë ruse të Mbrojtjes përmes Telegram-it, numri më i madh i dronëve të kapur (15 të tilla) u regjistrua në rajonin Bryansk, në veriperëndim të Ukrainës.

Këto ngjarje dëshmojnë për vazhdimësinë e paqëndrueshmërisë ushtarake në rajon dhe vullnetin e Moskës për të ruajtur kontrollin mbi territoret e kontestuara, duke forcuar njëkohësisht pozicionin e saj në tryezën e negociatave diplomatike.