Vdes togerja Syzana Krasniqi – për të cilën kërkoheshin para për shërim

Ka ndërruar jetë në moshë të re Togerja e Policisë së Kosovës, Syzana Krasniqi, e cila prej kohësh po përballej me një sëmundje të rëndë.

Lajmi për vdekjen e saj është bërë i ditur përmes një njoftimi për media, ku është theksuar se ajo vuante nga kanceri në mushkëri, me të cilin po luftonte për një periudhë të gjatë.

Ditëve të fundit ishte kërkuar ndihmë për trajtim, por fatkeqësisht, Krasniqi nuk arriti ta fitonte betejën me sëmundjen.

Për të që nga dita e djeshme u kërkua ndihmë, por që fatkeqësisht togerja Krasniqi nuk arriti që t’i bënte ballë sëmundjes së rëndë.

Syazana Krasniqi ishte një ndër gratë që kishte kontribuar për më shumë se 25 vite në radhët e Policisë së Kosovës, ku njihej për përkushtimin dhe profesionalizmin në detyrë.