Omeragiq: Liga e Dytë pa kotizime. Masë e rëndësishme për të mbështetur klubet

Presidenti i FFM-së, Masar Omeragiq: Liga e Dytë pa kotizime. Masë e rëndësishme për të mbështetur klubet

Federata e Futbollit e Maqedonisë (FFM) ka marrë një vendim të rëndësishëm duke hequr kotizimin e regjistrimit për pjesëmarrje në Ligën e Dytë të Futbollit të Maqedonisë.

Për herë të parë në pothuajse 15 vjet, klubet e ligës së dytë nuk janë të detyruara të paguajnë kotizimin e regjistrimit për të marrë pjesë në kampionat. Ky vendim, i marrë me iniciativën e Presidentit të FFM-së, Masar Omeragiq, përfaqëson një hap të rëndësishëm përpara drejt krijimit të kushteve më të mira të punës për klubet, lehtësimit financiar dhe promovimit të garës.

Shuma totale financiare nga e cila klubet lirohen nga kjo masë është 128,000 euro për sezon garues, që përfaqëson mbështetje të drejtpërdrejtë dhe forcim të stabilitetit të tyre.

Për më tepër, duke pasur parasysh që KF Besa 1976 nuk do të garojë më në sezonin 2025/26, FFM ka vendosur ta mbushë pozicionin bosh me FK Prespa. Në këtë mënyrë, garantohet mbrojtja e integritetit, vazhdimësisë dhe ekuilibrit garues, si dhe respektimi i vazhdueshëm i parimeve të lojës së drejtë në Ligën e Dytë të Futbollit.