Dëmtimi i rëndë i Lukakut, Napoli mendon për Jamie Vardy

Napoli është përballë një situate të ndërlikuar pas dëmtimit serioz të sulmuesit të saj kryesor, Romelu Lukaku.

Lajmi ka bërë jehonë edhe jashtë Italisë dhe sipas Daily Mail, drejtuesit e klubit po shqyrtojnë një pistë të pazakontë për merkaton: Jamie Vardy.

Sulmuesi anglez, i cili më 11 janar do të mbushë 39 vjeç, është aktualisht lojtar i lirë pas përfundimit të kontratës së tij me Leicester City më 30 qershor, pas një periudhe të lavdishme 13-vjeçare me “Dhelprat”.

Përvoja dhe disponueshmëria e tij pa kosto kartoni e kanë futur në listën e mundshme të zëvendësuesve për Napolin.

Në listën e drejtorit sportiv Giovanni Manna figuron gjithashtu edhe emri i Nicolas Jackson të Chelseat, por kërkesat e larta financiare e bëjnë një transferim të tillë shumë të vështirë.