Saka kritika Arsenalit pas ndeshjes

Bukayo Saka pranoi se Arsenal ishte shumë larg formës së tij më të mirë pasi rrëmbeu një fitore 1-0 ndaj Manchester United në ndeshjen hapëse të Premier League të dielën. Mbrojtësi Riccardo Calafiori shënoi golin e vetëm të ndeshjes në minutën e 13-të.

Arsenal ishte dobët në mbajtjen e topit kundër një skuadre të United që bëri përshtypje me energjinë dhe qëllimin e tyre. Nëse “topçinjtë” duan të bëjnë një hap përpara këtë sezon, pas tre përfundimeve radhazi në vendin e dytë në Premier League, ata nuk mund të përballojnë shumë paraqitje të tjera si kjo.

“Nuk ishte një performancë e shkëlqyer”, tha Saka, që më tej shtoi: “Jemi të lumtur me tre pikët, që u larguam nga Old Trafford me një fitore, por nuk ishim në nivelin e standardeve tona të zakonshme”.

“Vendimmarrja jonë nuk ishte e shkëlqyer dhe kjo na kushtoi, pasi i dha United shumë vrull. Nuk u ndëshkuam për këtë, por nuk mund ta bëjmë këtë në çdo ndeshje, pasi do të rrezikojmë shumë”, deklaroi Bukayo Saka.

Sulmuesi anglez foli edhe për Viktor Gyokeres, shokun e tij të skuadrës: “Isha i impresionuar nga ai. Ishte e vështirë, por mendoj se bëri mirë. Performanca e tij na jep diçka mbi të cilën mund të ndërtojmë dhe jam i sigurt se do ta ndihmojë javën tjetër. Ai është përshtatur mirë dhe kështu kanë bërë edhe djemtë e tjerë“.