Stramaccion befason për shqiptarin

Andrea Stramaccioni, në një intervistë për “Gazzetta dello Sport”, ka folur për tre kampionët Luka Modric, Kevin De Bruyne dhe Edin Dzeko, të cilët kanë zgjedhur Serie A për fazën e fundit të karrierës së tyre:

“Do të japin kontributin e tyre, pa dyshim. Janë profesionistë të jashtëzakonshëm, fizikisht i shoh ende mirë, nga ana mendore nuk lëshojnë asnjë centimetër.

Tre fitues, që vijnë nga sezone ku kanë qenë protagonistë, të angazhuar në skuadra që kanë nevojë për cilësitë e tyre, qoftë titullarë apo duke hyrë nga stoli. Do të bëjnë shumë mirë”.

Stramaccioni komentoi edhe ndryshimet në pankina, kësaj vere: “Chivu ka ndryshuar shumë pak, tek Interi i duhet zgjuarsi maksimale taktike.

Pres një nisje të tij të fortë me dy sfidat në ‘San Siro’ kundër Torinos dhe Udineses.

Është vendimtare të fillohet mirë dhe të rikthehet entuziazmi. Juve dhe Milani më duken skuadra të forta dhe të balancuara, edhe pse presin ende nga një sulmues. Detyrë jo e lehtë për Juric, ndërsa Gasperini, për të fluturuar, duhet mbështetur në merkato. Sarri dhe Pioli janë dy siguri, i respektoj shumë”.

Për blerjen më të shtrenjtë deri tani në Serie A, Ardon Jashari (37 milionë euro), Stramaccioni tha: “Është paguar shumë, por kjo tregon sa të rëndësishëm janë sot lojtarët ndërtues me fizik, që luajnë para mbrojtjes, në stilin e Rodrit. Allegri dhe Tare kanë rindërtuar mesfushën dhe kanë bërë shumë mirë, do të jetë ‘motori’ i Milanit.

Edhe pse, e patë Reijnders në debutimin në Premier League kundër Wolverhampton… Ja, unë ëndërroj një Serie A që t’i mbajë lojtarët më të mirë në botë”.

Për Juventusin, që deri tani ka marrë vetëm David dhe Joao Mario, ai paralajmëroi: “Rreziku ekziston, por më mirë të presim në parashikime, të marrim impaktin e duhur të fushës sesa të gabojmë nga nxitimi. E kaluara e ka treguar. Tudor ka ide shumë të qarta, luan futboll vertikal dhe të kodifikuar, por ka nevojë për lojtarë funksionalë. Është e drejtë të presë për të marrë atë që vërtet i nevojitet nga merkatoja”.