Barcelona e bindur

Para ndeshjes hapëse të Bundesligës, trajneri i Bajernit, Vinsent Kompany, foli për thellësinë e skuadrës, përgatitjet para-sezonale dhe kundërshtarin e tyre, Lajpcig.SKUADRA – Kompani u pyet menjëherë për skuadrën, pasi raportet sugjeronin se kampionët aktualë janë të varfër në përforcime: “Ne kemi katër lojtarë me përvojë dhe dy të rinj të talentuar në sulm.

Gjithashtu kemi Rafa Guerreiro dhe Tom Bishof, të cilët mund të luajnë në një rol sulmues. Manuel Nojer nuk do të luajë në sulm (qesh). Pavarësisht çfarë ndodh, duam të sulmojmë. Detyra ime është të sigurohem që të fitojmë nesër.”

Maks Eberl, i cili ishte ulur pranë Kompani gjatë konferencës për shtyp, dha gjithashtu mendimin e tij: “Ne kemi një detyrë për të kryer dhe do ta bëjmë. Duam të kemi një skuadër konkurruese. Interesi ynë është të mund të rrisim lojtarë të rinj në mjedisin e duhur.” Ndoshta pyetja më e madhe për skuadrën ishte kur Kompani u pyet nëse ishte i kënaqur me skuadrën aktuale: “Ndeshja më e rëndësishme deri tani ishte kundër Shtutgartit. Bëmë një hap në drejtimin e duhur atje. Duhet të fitojmë edhe ndeshjen e nesërme, pastaj mund të themi që kemi bërë një fillim të mirë.”

LAJPCIG & BUNDESLIGA – Është një ndeshje fantastike për të nisur këtë sezon të Bundesligës. Kompani u pyet për mendimin e tij për Lajpcig: “Ka më shumë variacion. Ata kanë një trajner të ri dhe një strukturë të re. Kanë firmosur disa lojtarë të talentuar dhe kanë një skuadër të fortë. Lajpcig janë padyshim mes rivalëve tanë. Duhet ta marrim shumë seriozisht këtë ndeshje. Ata kanë lojtarë anësorë që janë të mirë në duelet një për një dhe lojtarë si Xavi Simons në rolin e numrit 10. Por ne jemi në Alianz Arena dhe synojmë të japim një paraqitje të mirë.”

Eberl u pyet më pas për statusin e Bundesligës, duke marrë parasysh situatën financiare në krahasim me Premier Ligë: “Statusi i Bundesligës nuk është përkeqësuar. Mundësitë financiare janë më të mëdha në Premier Ligë apo edhe në Arabinë Saudite. Ne duhet të punojmë me atë që kemi. Buxheti është gjithashtu një çështje shumë e rëndësishme.

Paraja luan një rol të madh në futboll, natyrisht.” Dhe kështu përfundon konferenca e parë për shtyp para ndeshjes së sezonit. Deri nesër në mbrëmje, do të dimë shumë më tepër për dy klubet që pritet të garojnë në majat e tabelës këtë sezon.