Lojtari i Struga Trim Lum: Të vazhdojmë serinë e fitoreve kundër Rabotniçkit

Struga Trim Lum sot (17.00) e pret Rabotniçkin në kuadër të javës së 3-të të Ligës së Parë të Maqedonisë së Veriut.

Futbollisti Bojan Ilievski beson se Struga Trim Lum mund të arrijë fitoren e tretë rresht, gjë që do të konfirmojë hapur ambiciet e ekipit për titull.

"Ne jemi përgatitur për këtë ndeshje gjatë gjithë javës.

E analizuam kundërshtarin, e dimë se cilat janë pikat e tyre më të mira, por analizuam edhe ekipin tonë dhe ku duhet të përmirësohemi edhe më shumë" - thotë Ilievski, i cili po kalon sezonin e tij të dytë në fanellën e Strugës.

Ilievski thekson se Struga ka pasur një fillim të shkëlqyeshëm të sezonit, dhe ekipi do të bëhet edhe më i fortë me kalimin e kohës.

"Kemi shumë lojtarë të rinj në ekip, dhe gjithashtu një trajner të ri, mendoj se me kalimin e kohës do të jemi edhe më të mirë.

Megjithatë, jemi të kënaqur me fillimin e kampionatit, kemi dy fitore, kështu që shpresoj se do ta vazhdojmë këtë seri" - thotë Ilievski, i cili gjithashtu dëshiron që ekipi të vazhdojë traditën e rezultateve pozitive kundër "romantikëve", 11 fitore, 5 barazime dhe vetëm 2 humbje është epilogu i takimeve të ndërsjella.