Thellohen trazirat politike në Turqi/ Ministri i Jashtëm Hakan Fidan akuzohet për falsifikim të diplomave akademike

Raportet për kredencialet e dyshimta akademike të Ministrit të Jashtëm Hakan Fidan po shkaktojnë trazira në Turqi, me opozitën që e quan atë një “krizë të besueshmërisë shtetërore” dhe qeverinë që i quan akuzat një “fushatë shpifjeje”. 

Nga diploma kontroverse universitare në SHBA deri te diplomat master në Bilkent, çështja është shndërruar në një thriller politik që po dëmton imazhin e Ankarasë brenda dhe jashtë vendit.

Rasti që përfshinte Ministrin e Jashtëm turk Hakan Fidan filloi të merrte formë disa muaj pas emërimit të tij nga Rexhep Tajip Erdogan në qershor 2023. Mediat, të tilla si News About Turkey , kishin shprehur dyshime në lidhje me formimin e tij akademik, duke i përshkruar tezat e masterit në Universitetin Bilkent si “të prera dhe të qepura” për karrierën e tij në shërbimet e inteligjencës dhe duke sugjeruar se ato nuk ishin shkruar prej tij. 

“Bomba” e vërtetë erdhi në vitin 2025, kur gazetari dhe akademiku Emre Uslu vuri në dyshim diplomën universitare të Fidanit në SHBA. Ministri pretendon se ai u diplomua me një diplomë Bachelor të Shkencave në Shkenca Politike nga Kolegji Universitar i Universitetit të Maryland (UMUC). Megjithatë, në atë kohë universiteti nuk ofronte një program të tillë, vetëm një Bachelor të Arteve në Shkencat Sociale.

Ministria e Jashtme turke dhe Qendra Kundër Dezinformimit i hodhën poshtë akuzat, duke i quajtur ato një “fushatë shpifjeje” nga rrjeti FETÖ. Ata madje publikuan një dokument nga YÖK që, sipas tyre, konfirmon legjitimitetin e kualifikimeve akademike të Fidanit. “Mos u nënshtroni akuzave të pabaza që synojnë të manipulojnë opinionin publik”, thanë ata.

Rasti po merr përmasa gjithnjë e më të mëdha, pasi lidhet edhe me një skandal të kohëve të fundit falsifikimi, në të cilin dyshohet se 35 persona me diploma të falsifikuara janë të përfshirë në pozicione kyçe shtetërore.