Arianit Koci: Nëse nuk zgjidhet kryeparlamentari deri në fundjavë, të hënën vendos tendë para Kuvendit
- Gazeta e Prizrenit
Avokati i njohur, Arianit Koci ka reaguar sërish lidhur me moskonstituimin e Kuvendit të Kosovës.
Përmes një postimi në Facebook, Koci ka zbuluar se ka pasur një bisedë me një anëtar të PDK-së, i cili i kishte thënë se partia do ta votonte vetëm Dimal Basha për kryetar të Kuvendit, por jo ndonjë kandidat tjetër nga Vetëvendosje.
“Nëse e propozojnë prapë Dimalin, do ta votojmë. Nëse VV propozon dikë tjetër – nuk e votojmë!”, kishte thënë anëtari i PDK-së sipas Kocit.
Ai i ka kujtuar opozitës premtimet e dhëna publikisht:
“Leni lojërat! Ju, PDK, keni premtuar se do ta votoni çdo deputet që nuk është pjesë e qeverisë. Prandaj, mbajeni fjalën!”, ka shkruar ai.
Koci ka paralajmëruar nëse nuk zgjidhet kryeparlamentari deri në fundjavë, të hënën e ardhme do të vendos tendë para Kuvendit.
