Lucas Vazquez nënshkruan me Bayer Leverkusenin

Bayer Leverkusen ka konfirmuar transferimin e anësorit spanjoll Lucas Vazquez, i cili ka nënshkruar kontratë dyvjeçare me klubin gjerman.

33-vjeçari u largua nga Real Madridi në korrik 2025, pasi i përfundoi kontrata menjëherë pas Kupës së Botës për Klube. Ai zgjodhi t’i bashkohet ish-kampionëve të Gjermanisë përpara ofertave të majme nga Arabia Saudite dhe disa klube të tjera evropiane.

Me ardhjen e tij, Bayer Leverkuseni forcon krahun e djathtë të mbrojtjes dhe mesfushës, veçanërisht pas largimit të Jonathan Clauss drejt Nice për arsye financiare.

Vazquez sjell përvojë të jashtëzakonshme, duke kaluar plot 10 sezone me fanellën e Real Madridit dhe një periudhë huazimi te Espanyol në sezonin 2014/15.

Gjatë karrierës në Spanjë, ai regjistroi 310 paraqitje në La Liga me 29 gola dhe luajti 77 ndeshje në Ligën e Kampionëve, ku shënoi katër herë.

Palmaresi i tij është mbresëlënës: pesë tituj të Ligës së Kampionëve, katër kampionate të La Ligës, një Kupë të Mbretit, katër Kupa të Botës për Klube, si dhe një sërë Superkupash vendore e ndërkombëtare.

Ky transferim vjen në një moment transformimi për Bayer Leverkusenin, që pas largimit të trajnerit Xabi Alonso drejt Real Madridit, ka liruar 17 futbollistë dhe ka shtuar disa emra të rinj, kryesisht nën moshën 25-vjeçare.