Kurti liron nga detyra Emilija Rexhepin
- Gazeta e Prizrenit
Kryeministri në detyrë i Kosovës, Albin Kurti, ka liruar nga detyra e zëvendëskryeministres Emilija Rexhepi, pas emërimit të saj nënkryetare e Kuvendit.
“Kryeministri në detyrë i Republikës së Kosovës, Albin Kurti, e ka liruar dje nga detyra zëvendëskryeministren për Çështje të Pakicave dhe të Drejtat e Njeriut, Emilija Rexhepi, pas emërimit të saj në pozitën e nënkryetares së Kuvendit nga radhët e komuniteteve joshumicë joserbe”, thuhet në njoftim.
Një ditë më parë Kurti, ka caktuar Blerim Sallahun si ushtrues i detyrës së Ministrit të Drejtësisë, i cili deri më tani ka ushtruar detyrën e zëvendësministrit të Drejtësisë.
