Kremlini: Të interesuar për negociata, por nuk do të ndalim sulmet ndaj Ukrainës

Rusia vazhdon operacionin e saj ushtarak në Ukrainë, por mbetet e interesuar për të vazhduar procesin e negociatave, për të arritur objektivat para nesh përmes mjeteve politike dhe diplomatike, deklaroi zëdhënësi i Kremlinit, Dmitry Peskov, shkruan ANSA, raporton ATSH.

“Operacioni special ushtarak vazhdon. Sulmet kundër infrastrukturës ruse, shpesh infrastrukturës civile ruse, nga regjimi i Kievit vazhdojnë.

Forcat ushtarake ruse do të vazhdojnë të kryejnë misionin e tyre”, shtoi ai, transmeton KosovaPress.

”Ato vazhdojnë të sulmojnë vende ushtarake dhe infrastrukturë të lidhur me ushtrinë. Sulmet janë të suksesshme dhe objektivat e tyre janë shkatërruar”, theksoi ai.