Operohet pas dëmtimit në gju

Arsenali konfirmoi se Kai Havertz iu nënshtrua një ndërhyrjeje të vogël kirurgjikale që përfundoi me sukses.

Megjithatë, lojtari pritet të rikuperojë shpejt dhe do të jetë gati për të luajtur pas disa javësh.

Kai Havertz e mori dëmtimin në javën e parë të sezonit të Premier Ligës. Ai sapo ishte rikthyer nga një problem në kofshë që e mbajti jashtë midis shkurtit dhe majit të këtij viti.

Sulmuesi nuk u përfshi në skuadrën e Gjermanisë për ndeshjet kualifikuese të Kupës së Botës në muajin shtator.

Lista e lëndimeve të Arsenalit është e gjatë me Bukajo Saka e Martin Odegaard që gjithashtu do të mungojnë këtë fundjavë.