Kairat Almaty me rekord të ri në ndeshjen ndaj Spurtingut

Skuadra e Kairatit ka shkruar historinë në futbollin kazak, duke arritur një kualifikim sensacional në fazën e grupeve të UEFA Champions League pas eliminimit surprizë të Celtic-ut në play-off. Ky është klubi i dytë nga Kazakistani që merr pjesë në kompeticionin më prestigjioz europian, pas Astanës.

Shorti i së enjtes i rezervoi Kairatit një grup tepër të vështirë, ku do të përballet me skuadra si Sporting, Olympiakos, Club Brugge, FC Copenhaga, Pafos, Arsenal, Real Madrid dhe Inter.

Për skuadrën aziatike kjo do të thotë sfida jo vetëm sportive, por edhe logjistike, për shkak të udhëtimeve të gjata që e presin.

Në veçanti, për të luajtur ndeshjen e tyre në Lisbonë, kundër Sportingut, lojtarët e Kairatit do të duhet të përshkojnë plot 6900 kilometra, duke vendosur kështu një rekord të ri në Champions League si distanca më e madhe e kaluar nga një skuadër për një ndeshje në këtë kompeticion.

Pavarësisht vështirësive, pjesëmarrja në Champions është një arritje historike për futbollin kazak dhe një sfidë që pritet të tërheqë vëmendjen e tifozëve në gjithë Europën.