Ndryshon orari i ndeshjeve të Superligës dhe Kategorisë së Parë

Kushtet atmosferike dhe reshjet e shiut që priten të shtunën, kanë bërë që FSHF të ndryshojë orarin e ndeshjeve të datës 30 gusht.

Qeveria e futbollit në vend, njofton se ndeshjet e programuara për nesër në orën 17:00, në kampionatin e Superligës dhe në Kategorinë e Parë, do të nisin një orë më herët, në orën 16:00.

Ky vendim është marrë për shkak të kushteve të vështira atmosferike që parashikohen ditën e nesërme në vendin tonë.

Ndeshja e Superligës Flamurtari - Bylis, si edhe pesë takimet e Kategorisë së Parë: Iliria - Pogradeci, Korabi - Besa, Apolonia - AF Luftëtari, Laçi - Kastrioti dhe Burreli - Kukësi, do të zhvillohen në orën 16:00.