Macron dyshon se do të takohen Zelensky dhe Putin

Presidenti francez, Emmanuel Macron komentoi takimin e paralajmëruar mes liderëve të Rusisë dhe Ukrainës, duke thënë se homologu rus, Vladimir Putinit mund ta “mashtrojë” përsëri presidentin e SHBA-së, Donald Trump.

“Nëse ky takim nuk ndodh deri të hënën, afati i vendosur nga presidenti Trump, kjo do të thotë se Putini e ka mashtruar sërish Trumpin”, tha Macron, duke iu referuar takimit.

Kancelari gjerman, Friedrich Merz kishte shprehur më herët dyshime dhe kishte pyetur nëse do të ndodhte fare takimi mes presidentit ukrainas, Volodymyr Zelenskyt dhe Vladimir Putinit.

Trump, nga ana tjetër, ka paralajmëruar se do të ketë “pasoja” nëse bisedimet nuk mbahen, raporton reuters.

Në një takim ministrash të mbajtur në Francë, Macron dhe Merz premtuan mbështetje shtesë për Ukrainën.

Gjithashtu u njoftua se liderët e mbledhur në “Koalicionin e Vullnetit të mirë”, të cilët po punojnë për garancitë e sigurisë për Ukrainën, do të zhvillojnë këtë fundjavë një bisedë me Trumpin dhe kanë planifikuar të takohen gjatë javës së ardhshme.