Arsimi - Sileksi takohen në Gostivar, Beluli pret rezultat pozitiv

Sot në Gostivar (16:30) luhet ndeshja e javës së katërt e Kampionatit të Maqedonisë së Veriut në futboll, Arsimi – Sileksi.

Pritet një betejë e madhe për çdo centimetër të fushës. 

Ekipi nga Çegrani shpreson për një tjetër befasi, kësaj radhe ndaj Sileksit.

"Jemi të vetëdijshëm se presim ndeshje shumë të vështirë kundër një kundërshtari cilësor si Sileksi.

E dimë që do të jetë sfidë e madhe, por ekipi ynë ka punuar me përkushtim dhe jemi maksimalisht të motivuar për të dhënë më të mirën në fushë.

Është e rëndësishme për ne të tregojmë një lojë të disiplinuar dhe të luftojmë deri në fishkëllimën e fundit për një rezultat pozitiv", tha Maliq Beluli, mesfushori i Arsimit.