FC Prishtina mburret me Altin Gjokajn

Portieri i Prishtinës., Altin Gjokaj, është ftuar nga Kombëtarja U21 e Kosovës për dy ndeshjet e radhës në kuadër të kualifikimeve për Kampionatin Evropian, ku Kosova do të përballet me Rumaninë dhe Spanjën.

“Gjokaj ka qenë startues në dy ndeshjet e para të këtij edicioni të Superligës me FC Prishtinën, duke treguar formë të mirë pas rikthimit nga një lëndim që e kishte mbajtur jashtë fushave për një periudhë të gjatë.

Performancat e tij të sigurta kanë bindur selektorin Afrim Toverlani për t’i besuar vendin në listën e lojtarëve të ftuar.

Gjokaj ka qenë pjesë e rregullt e përfaqësueseve të reja të Kosovës, duke kaluar më parë nëpër grupmoshat U15, U17 dhe U19”, shkruan në faqen e FC Prishtina.