Vrasja e ish-kryetarit të parlamentit ukrainas në mes të ditës – publikohen pamjet shokuese të momentit të sulmit

Andriy Parubiy, ish-kryetari i Verkhovna Rada-s së Ukrainës, është vrarë në Lviv.

Sot, rreth mesditës, autoritetet morën një njoftim për të shtëna me armë në lagjen Sykhiv.

Vrasësi, që ishte maskuar si shpërndarës ushqimesh, ka qëlluar tetë herë ndaj Parubiyt, pastaj ka fshehur armën në çantë dhe është larguar me biçikletë elektrike.

Pamje dramatike tash kanë nisur të qarkullojnë në rrjetet sociale teksa shihet një person i maskuar qëllon me armë në drejtim të 54-vjeçarit.

Aktualisht, policia po kërkon autorin dhe është duke punuar për të zbuluar identitetin e tij.

Ndryshe, Parubiy ka drejtuar Parlamentin ukrainas nga viti 2016 deri në vitin 2019, dhe më parë ka shërbyer si Sekretar i Këshillit të Sigurisë Kombëtare dhe Mbrojtjes.

Në vitin 2016, ai mori detyrën e kryetarit të Verkhovna Rada-s pas zgjedhjes së Volodymyr Groysman si kryeministër.

Po ashtu, në vitin 2014, ai ka qenë Sekretar i Këshillit të Sigurisë Kombëtare dhe Mbrojtjes për një periudhë të shkurtër, nga shkurti deri në gusht.