Mësohet identiteti i viktimave të tragjedisë ajrore në Itali

Një aksident tragjik ka ndodhur ditën e sotme në zonën e Vercellit, midis Crescentino dhe Livorno Ferraris në Itali, ku një aeroplan i vogël është rrëzuar. Si pasojë kanë humbur jetën piloti 49-vjeçar dhe vajza e tij 18-vjeçare.

Në faqen e tij në Facebook, piloti kishte postuar së fundmi foto të një fluturimi tjetër me vajzën e tij më datën 21 gusht të kaluar, i cili shkruante: "Unë dhe bashkëpilotja ime e bukur".

Viktimat babë e bijë, humbën jetën pas rrëzimit të një avioni të vogël me të cilin ata po udhëtonin. Raportohet se avioni ka rënë me shpejtësi të lartë në tokë dhe më pas ka shpërthyer në flakë.

Në vendngjarje shkuan menjëherë zjarrfikësit dhe efektivët e policisë që po hetojnë për shkaqet e këtij aksidentit të rëndë.