PSG luan tenis ndaj Toulouses

PSG ka marrë fitoren e tretë rresht në Ligue 1, pasi mposhti në transfertë sonte Toulouse 3-6.

Protagonisi kryesor i takimit ishte padyshim Joao Neves.

Ylli i ri portugez shënoi 3 gola, njëri më i bukur se tjetri.

Në minutën e 7-të, Joao Neves hapi serinë e golave duke shënuar me gjysmë-rroveshatë, në minutën e 14-të ia arriti qëllimit dhe shënoi në mënyrë spektakolare me rroveshatë dhe në minutën e 78-të shënoi me një super goditje nga distanca.

Golat e tjerë për parizienët u shënuar nga Bradley Barcola 10’dhe dy gola nga penalltia nga Ousmane Dembele 31′ dhe 50′. Për vendasit shënoi golin e parë Cresswell në minutën e 37-të, por humbën në fund të pjesës së parë edhe një penallti.

Në fund të kohës së rregullt në pjesën e dytë, Toulouse shënoi dy gola për dy minuta. Rezultati përfundimtar 3-6. Pas 3 javëve, PSG kryeson e vetme me 9 pikë.