Fenerbahce futet në garë për Ederson

Manchester City ka refuzuar një ofertë fillestare prej 12 milionë eurosh nga Fenerbahce për portierin brazilian Ederson, raporton Fabrizio Romano.

Ederson pritet të largohet nga “Etihad”, pasi ish-kampionët anglezë po e afrojnë Gianluigi Donnarumman nga PSG.

Për 32-vjeçarin nuk është vetëm Fenerbahce në garë, por edhe rivali i madh lokal, Galatasaray, që po e monitoron situatën.

Në negociata është përfshirë edhe agjenti i fuqishëm Jorge Mendes, i cili po ndërmjetëson mes klubeve dhe lojtarit.

Ederson i është bashkuar Manchester Cityt në verën e vitit 2017, duke u bërë një prej portierëve më të rëndësishëm të dekadës së fundit në Ligën Premier.

Me “Citizens”, ai ka regjistruar 372 paraqitje, duke mbajtur portën e paprekur në 160 raste dhe duke pësuar gjithsej 308 gola.

Largimi i tij do të hapte rrugën për një epokë të re te City, me Donnarumman që shihet si pasardhësi i duhur në portë.