Vllaznia e treta në Grupin B

Kanë përfunduar ndeshjet e Grupit B të fazës para-eliminatore të UEFA Futsal Champions League 2025/26, që u zhvilluan në Parkun Olimpik, në Tiranë.

Në këtë grup bënte pjesë edhe skuadra kampione e Shqipërisë, Vllaznia Futsal, së bashku me Tigers Roermond (Holandë), KMF Bajo Pivljanin (Mali i Zi) dhe Ísbjörninn (Islandë).

Kuqeblutë u përballën në ndeshjen e tretë dhe të fundit me Tigers Roermond, ku u mundën me rezultatin 6-2. Për Vllazninë shënuan Lolovic dhe Gokaj, ndërsa për holandezët realizuan Boukhari, Charraoui, Mossaoui, Bouyouzan (x2) dhe Dzurlic.

Aventura europiane për Vllaznia Futsal përfundoi me vendin e tretë në Grupin B, me 3 pikë të grumbulluara. Kualifikimin në fazën tjetër e siguroi Tigers Roermond, që u rendit në krye të grupit me 9 pikë të plota.

KMF Bajo Pivljanin e mbylli në vend të dytë me 6 pikë, ndërsa Ísbjörninn u rendit i fundit pa asnjë pikë.

UEFA Futsal Champions League 2025/26

Tigers Roermond vs Ísbjörninn 12-2

Bajo Pivljanin vs Vllaznia Futsal 4-2

Vllaznia Futsal vs Ísbjörninn 4-0

Bajo Pivljanin vs Tigers Roermond 0-5

Ísbjörninn vs Bajo Pivljanin 7-10

Vllaznia Futsal vs Tigers Roermond 2-6