Spahiu firmos me Shkëndijën

Shkëndija ka prezantuar afrimin e radhës në merkato, duke firmosur me mesfushorin ofensiv Sebastijan Spahiu.

25-vjeçari nga Shkodra ka nënshkruar kontratë 2-vjeçare që e mban në Tetovë deri në verën e vitit 2027.

Spahiu vjen pas aventurës me Mes Rafsanjan në Iran, ndërsa më parë ka shkëlqyer me Egnatian në Superligën shqiptare, duke arritur edhe debutimin me kombëtaren e Shqipërisë në vitin 2024.

Në karrierë ai ka luajtur gjithashtu për Laçin, si dhe në Spanjë e Belgjikë.

Me teknikën, depërtimet dhe goditjet e sakta me të dyja këmbët, Spahiu shihet si një forcë e rëndësishme për repartin ofensiv të kuqezinjve.