Slot kërkon përkrahje maksimale nga tifozët

Trajneri i Liverpool-it, Arne Slot, ka bërë thirrje që tifozët të përkrahin fuqishëm sonte skuadrën e tij kundër Arsenalit, rivalit më të madh në garën për titull të kampionit në Premier League.

‘The Reds’ dhe ‘Topçinjtë’ do të përballen në derbin e madh anglez, sfidë kjo që do të luhet në kuadër të javës së tretë në Premier League.

Slot duke folur për mediet britanike, thotë se pret një duel shumë i vështirë ndaj një skuadre që ka treguar kualitet të lartë viteve të fundit.

Trajneri i Liverpool-it, Arne Slot, ka theksuar rëndësinë e mbështetjes së tifozëve në përballjen e sotme ndaj Arsenalit.

“Arsenali është rival i madh dhe na pret një ndeshje e vështirë. Ne kemi nevojë që tifozët të jenë në maksimum, sepse atmosfera mund të bëjë diferencën”, ka thënë Slot.

“Kjo skuadër ka treguar karakter dhe mentalitet, por me fuqinë e ‘Anfield’-it mund të jemi edhe më të fortë,” ka deklaruar ai.

Slot kujtoi atmosferën elektrizuese të ndeshjes së fundit me Newcastle, duke theksuar karakterin dhe mentalitetin e skuadrës së tij për të marrë fitore në sfida të vështira.