Skuadra shqiptare ndeshet me ekipin serb në garat evropiane

Sot në orën 13:00 është hedhur shorti i raundit të parë kualifikues, për “Europa Cup” në futbollin e vajzave.

Pjesë e shortit në Nion të Zvicrës ishin edhe Partizani me Vllazninë.

Goglat i kanë rezervuar Partizanit një përballje me Spartak Suboticën.

Kështu të kuqtë do të sfidojnë nënkampionët e Serbisë në eksperiencën e parë europiane.

Në anën tjetër ndodhet edhe Vllaznia, që pasi u shkualifikua në Champions do provojë të arrijë grupet në “Europa Cup”. Kuqeblutë do të përballen me Kolos Kovalivka, që është klub ukrainas.

Ndeshjet e para do të luhen më 10 dhe 11 shtator, ndërsa ato të kthimit më 17 dhe 18 shtator.

Vllaznia ndodhej te skuadrat favorite për shkak të koeficientit të grumbulluar ndër vite, ndërsa Partizani te ato jofavorite.

Sfidat janë të vlefshme për raundin e parë. Ky kompeticion organizohet për herë të parë këtë sezon.