Zelensky paralajmëron: Goditje të reja në thellësi të territorit rus

Presidenti ukrainas Volodymyr Zelensky ka paralajmëruar sulme të reja në thellësi të territorit rus, si pjesë e strategjisë mbrojtëse të vendit të tij.

Në një postim në platformën X pas një takimi me komandantin e forcave të armatosura, gjeneralin Oleksandr Syrsky, Zelensky deklaroi:

“Do të vazhdojmë operacionet tona aktive, ashtu siç kërkohet për mbrojtjen e Ukrainës. Forcat dhe burimet janë të përgatitura. Janë planifikuar gjithashtu goditje të reja në thellësi.”

Ky paralajmërim vjen mes përshkallëzimit të tensioneve përgjatë vijës së frontit dhe përpjekjeve të Ukrainës për të goditur objektiva ushtarake dhe logjistike brenda territorit rus, për të ndaluar avancimet e trupave të Moskës.