Besnik Kollari – dirigjent i lojës dhe gjenerata më fatkeqe e Prishtinës në ish Jugosllavi! Ja kush pagoi 300 mijë marka

Gjenerata që konsiderohej si shumë e fuqishme por që kishte fatin e keq në fund të viteve të 80-ta dhe fillim të vitit 1991, padyshim ishte gjenerata e Besnik Kollarit, Avni Stubllës, Arbër Hasangjekajt, Ardian Koznikut,  Sunaj Keçi, Eroll Salihut, Afrim Tovërlanit, Besnik Hasit, Adil Vokrrit, Fehmi Hysenit, Muharrem Sahitit etj.

Gjenerata e Prishtinës që paraqitej me shumë sukses në Ligën e Dytë Unike të ish Jugosllavisë por që ballafaqohej vazhdimisht me presionet e ndryshme dhe hile e gjyqtarëve ish jugosllavë.

Besnik Kollari dirigjent i lojës, Ardian Kozniku që arriti majat më të larta botërore - gjatë verës së vitit 1990 shkoi në Hajduk të Splitit dhe skuadra kroate i pagoi 300 mijë marka dëmshpërblim Prishtinës.

Kjo është gjenerata më fatkeqe në ish Jugosllavi, ku nuk e lejuan të tregojnë talentin dhe rezultatet. 

Liga e dytë 

Java e 23-të, 18 mars - 1990

Prishtina - Çeliku i Zenicës 1:0

Stadiumi  në Prishtinë.
Shikues: 5.000.        
Gjyqtar: Miladin Zelenoviq (Novi Sad), Ivica Mikulciqi (Velika Goica) e Stanko Matiqi (Titel). 
Shënues: Muharrem Sahiti (29’).
Kartona të verdhë: Arbër Hasanxhekaj e Besnik Kollari - Momshiq, Ratkoviq e Gollobica.
Prishtina: Bozhidar Vuksanoviq 7, Arbnor Morina 6, Avni  Stublla 7, Sunaj Keçi 7, Gani Llapashtica 7, Muhamet Kolenoviq 7, Arbër Hasangjekaj 7, Besnik Kollari 6 (Ardian Kozniku), Muharrem Sahiti 7, Mensur Nexhipi 6 (Fadil Berisha 7) dhe Eroll Salihu 6.
Çeliku: Knapiq 7, Erak 7, Josipoviq 6, Rama 7, Mokshiq 6, Shishiq 6, Boliq 6, Antonijeviq 6 (Taran), Mujakoviq 6, Ratkoviq 7 dhe Gollubica 6.