Donnarumma ka zgjedhur Cityn?

Kur mbeten edhe pak më shumë se 48 orë nga mbyllja e afatit zyrtar të merkatos së kësaj vere, Manchester United duket se do të bëjë edhe një transferim të fundit.

Duke qenë se Andre Onana ka shfaqur jo pak probleme në këtë fillim sezoni, pa harruar edhe formën e dobët në sezonin e kaluar, Ruben Amorim ka kërkuar nga drejtuesit një portier tjetër.

Një nga emrat që është përfolur shumë këto ditë është Gigio Donnarumma, por italiani ka zgjedhur Man. City-n dhe po pret largimin e Ederson, para se të zyrtarizohet aty.

Në këtë situatë, Man. United ka arritur kushtet personale me Emiliano Martinez, portierin kampion bote me Argjentinën. Në këto orë të mbetura të merkatos, pritet që “Djajtë e Kuq” të gjejnë gjuhën e përbashkët me Aston Villa-n dhe të zyrtarizojnë transferimin e Emiliano Martinez.