Mbrojtësi i Shqipërisë nuk bind në Superligë

Ekipi i Luzern ka humbur 2 pikë shumë të rëndësishme në fund të ndeshjes me Servette, e përfunduar 2-2.

Në lojë për 90 minuta ka qenë edhe mbrojtësi i Kombëtares, Ardian Bajrami.

Në këtë duel, 23-vjeçari nuk ishte në formën më të mirë, madje duke u vlerësuar me notë jo fort bindëse, 6.2 sipas “SofaScore”. Por nëse e hedhim vështrimin nga përballja Luzern - St.Gallen, e mbajtur në datën 24 gusht, Bajrami u vlerësua “Lojtari i ndeshjes”.

Kjo luhatje e formës prej shqiptarit në Superligën zviceriane ka ndikuar edhe te ekipi i tij. Kartoni i Ardian Bajramit sipas “Transfermarkt” korrospodon me 1.5 milionë euro. Me fanellën e Kombëtares, ai e ka bërë debutimin në qershor të vitit 2022.