“Koalicioni i të vullnetshmëve” takohet të enjten, edhe Zelensky do të merr pjesë

Presidenti francez Emmanuel Macron dhe kryeministri i Mbretërisë së Bashkuar, Keir Starmer do të zhvillojnë një takim të Koalicionit të Gatshmëve, në një format hibrid më 4 shtator në Paris.

“Mund të konfirmoj se do të ketë një takim të Koalicionit të Gatshmëve (në format hibrid) në Paris të enjten”, tha një burim për European Pravda.

Presidenti ukrainas Volodymyr Zelensky pritet t’u bashkohet udhëheqësve evropianë që do të mblidhen në Paris të enjten, për të diskutuar garancitë e mundshme të sigurisë për Ukrainën.

Më parë, Macron tha se pas një pune të rëndësishme përgatitore në nivelin e shefave të shtabeve, u përcaktuan kontributet e secilit vend në garancitë e mundshme të sigurisë për Ukrainën.

Koalicioni i Gatshmëve do të mblidhet në nivelin e udhëheqësve për të diskutuar këto vendime.

Disa pjesëmarrës do të marrin pjesë personalisht në takimin e Parisit, ndërsa të tjerë do të bashkohen në internet.