Tragjedi në Greqi/ Gruaja gjendet pa shenja jete pasi lindi në apartamentin e saj, edhe e porsalindura ndërron jetë

Një grua u gjet e vdekur të mërkurën pasdite në Patisia, pasi kishte lindur pak orë më parë në apartamentin e saj, ndërsa edhe foshnja e saj humbi jetën.

Sipas informacioneve paraprake, gruaja ishte greke dhe ishte në një fazë të avancuar të shtatzënisë, pasi pritej të lindte në ditët në vijim.

Trupi i gruas u gjet brenda shtëpisë së saj, me kordonin e kërthizës të prerë.

I njëjti informacion raporton se gjatë incidentit, pranë saj kanë qenë dy fëmijët e saj të mitur, si dhe bashkëshorti i saj, i cili dyshohet se ia ka prerë kordonin e kërthizës së fëmijës me gërshërë.

Më parë ishte raportuar se burri i gruas mungonte në shtëpi dhe kur ai mbërriti ajo ishte tashmë e vdekur. Oficerët e policisë që mbërritën në apartament zbuluan se gruaja kishte dhënë frymën e fundit.

Për ngjarjen është urdhëruar një ekspertizë mjeko-ligjore, ndërsa hetimet janë në kulmin e tyre për të përcaktuar saktësisht se çfarë ka ndodhur dhe si e ka humbur jetën gruaja.